СУРА

“ЕЛ-ФЕЛЕК” (“Мугра”)

Медина - 5 ајети

Во името на Аллах,Милостивиот Сомилосен!


1. Кажи: Се приклонувам кон Господарот на муграта,

2. од злото на она што Он го создаде,

3. и од злото на темнината кога ќе поклопи,

4. и од злото на дувачите во јазли,

5. и од злото на завидливиот кога завидува!

СУРА

“ЕЛ-ИХЛАС” (“Чистота”)

Мекка - 4 ајети

Во името на Аллах ,Милостивиот Сомилосен!


1. Кажи: Он е Аллах, Еден е!

2. Аллах - Засолниште.

3. Не роди и не е роден,

4. и никој не Му е рамен!

СУРА

“ЕЛ-ЛЕХЕБ” (“Лехеб”)

Мекка - 5 ајети

Во името на Алллах ,Милостивиот Сомилосен!


1. Нека пропаднат рацете на Ебу Лехеб, и тој пропадна!

2. Не му вредеше имотот негов, и она што го спечали.

3. Ќе се пржи во огнот преполн со пламени,

4. и жената негова која дрва носи.

5. На вратот нејзин ќе биде обесено јаже од пламен!

СУРА

“ЕН-НАСР”(“Помош“)

Медина - 3 ајети

Во името на Аллах,Милостивиот Сомилосен!


1. Кога ќе дојде помошта и победата од Аллах,

2. и кога ќе ги видиш луѓето како влегуваат во верата Аллахова во дружини,

3. па, слави Го, заблагодарувајќи Му се и прошка барајќи Му, Господарот твој. Он е Примач на покајанијата, навистина!

СУРА

“ЕЛ-КАФИРУУН” (“Неверници”)

Мекка - 6 ајети

Во името на Аллах Милостивиот Сомилосен!


1. Кажи: О неверници!

2. Јас не го обожавам она што вие го обожавате,

3. а вие не го обожавате она што јас го обожавам,

4. а и јас не го обожавам она што вие го обожавате,

5.а и вие не го обожавате она што јас го обожавам.

6. Вам - верата ваша, а мене - верата моја!

СУРА

“ЕЛ-МАУН” (“Милосрдие”)

Мекка - 7 ајети

Во името на Аллах ,Милостивиот Сомилосен!


1. Го виде ли ти оној кој лаже за Денот ветен?

2. Па, тоа е оној кој го одбива јетимот,

3. и кој не поттикнува да се нахрани сиромавиот!

4. Тешко на оние кои клањаат:

5. оние кои не внимаваат кон Намазот свој,

6. оние кои, така, се договараат,

7. и кои забрануваат на сиромашните да им се даде милосрдие.

СУРА

ЕЛ-КУРЕЈШ ( Курејш)

Мекка - 4 ајети

Во името на Аллах ,Милостивиот Сомилосен!


1. Заради адетот на Курејшии,

2. адетот нивни да патуваат и зиме и лете;

3. па, нека го обожаваат Господарот на оваа Куќа,

4. Кој ги нахрани по гладот

5. и ги обезбеди по стравот!

СУРА

“ЕЛ-ФИИЛ” (“Слон”)

Мекка - 5 ајети

Во името на Аллах Милостивиот Сомилосен!


1. Не виде ли ти како Господарот твој постапи со сопствениците на слонот?

2. Нели сплетките нивни Он ги скршна во бездна?

3. И против нив испрати јато птици,

4. кои ги гаѓаа со камења од скаменета глина,

5. па Он ги направи како суво лисје, изјадено!

СУРА

“ЕЛ-ХУМЕЗЕ” (“Потсмевање”)

Мекка - 9 ајети

Во името на Аллах ,Милостивиот Сомилосен!


1. Тешко на секој оној кој се потсмева и кој клевети,

2. и кој собира имот и кој брои,

3. мислејќи дека имотот негов е вечен, навистина!

4. Но, не! Ќе биде фрлен во Хутам!

5. А знаеш ли ти што е тоа Хутам?

6. Па, тоа е Аллаховиот оган, распален!

7. кој се вовлекува во срцата.

8. Огнот, навистина, врз нив е затворен,

9. со столбови долги!

СУРА

“ЕЛ-АСР” (“столетие“)

Мекка - 3 ајети

Во името на Аллах ,Милостивиот Сомилосен!


1. Се колнам во столетието! -

2. Човекот е поразен, навистина!

3. Освен оние кои веруваат и кои добри дела работат, кои еднинадруги вистина препорачуваат и кои еднинадруги трпеливост препорачуваат!

СУРА

“ЕТ-ТЕКАСУР” (“Заработувачка”)

Мекка - 8 ајети

Во името на Аллах,Милостивиот Сомилосен!


1. Натпреварот во заработувачка ве упропасти,

2. се додека мезарите не ги посетите!

3. Но, не! Ќе узнаете подоцна.

4. И пак велам: Ќе узнаете подоцна!

5. Но, не! Ќе дознаете за знаењето уверливо,

6. и ќе го здогледате Џехеннемот, сигурно!

7. Потоа, пак, ќе го здогледате знаењето, уверливо!

8. Потоа, на Денот тој ќе бидете прашани за благодатот!

СУРА

ЕЛ-КАРИ'АТУ (“Удар”)

Мекка - 11 ајети

Во името на Аллах ,Милостивиот Сомилосен!


1. Удар!

2. И кој ќе ти каже што е тоа удар?

3. И што знаеш ти што е тоа удар?

4. Ден е тој во кој луѓето ќе бидат како бубалки расфрлани,

5. а брдата ќе бидат како растегната волна!

6. Што се однесува до оној чии кантари ќе натежнат,

7. па, тој ќе биде во животот задоволен,

8. а што се однесува до оној чии кантари нема да натежнат,

9. престојувалиштето негово, тогаш, е Хавие.

10. А знаеш ли ти што е тоа Хавие?

11. Па тоа е оган распален!