СУРА

“ЕЛ-ГАШИЈА” (Поклопи)

Мекка - 26 ајети

Во името на Аллах,Милостивиот Сомилосен!



1. Ти дојде ли говорот за она што поклопи?

2. Лицата на Денот тој ќе бидат уплашени,

3. изморени и жалосни!

4. Ќе се пржат во огнот жесток,

5. ќе се напојуваат од изворот усвитен;

6. за нив не ќе има храна, освен трње,

7. која не ќе нахрани а ниту, пак, гладот ќе го отстрани,

8. на Денот тој ќе има и лица благословени,

9. со трудот нивни задоволни,

10. во Џеннетот возвишен,

11. во кој не ќе слушаат зборови празни,

12. во него ќе има и извор што тече,

13. и кревети подигнати,

14, и пехари поставени,

15. и перници поредени,

16. и простирки спрострени!

17. Не гледаат ли кон камилата како е создадена,

18. и кон небото како е подигнато,

19. и кон брдата како се поставени,

20. и кон земјата како е порамнета?

21. Па, опоменувај. Ти си, навистина, само опоменувач!

22. Не е твое да владееш со нив!

23. А оној кој ги врти плеќите и оној кој не верува,

24. па, Аллах ќе го казни со казна голема!

25. Враќањето нивно е - кон Нас,

26. и полагањето сметка, потоа, е - при Нас!

СУРА

“ЕЛ-А’ЛА” (“Севишен”)

Мекка - 19 ајети

Во името на Аллах , Милостивиот Сомилосен!


1. Слави Го, името на Господарот твој, Севишен!

2. Кој создаде и добар ред постави,

3. Кој одреди и потоа упати,

4. Кој дава да никне пасиште,

5. а потоа одредува да стане сува трева.

6. Ние ќе одредиме да читаш па ништо нема да заборавиш,

7. освен она што ќе го посака Аллах. Да, Он го знае и она што е јавно и она што е тајно.

8. И Ние ќе те упатиме во она што е најлесно.

9. Па, опоменувај - Опомената ако користи,

10. ќе се опомене оној што стравува,

11. а од неа ќе се оддалечува најлошиот,

12. оној што ќе биде турнат во огнот голем,

13. кој потоа во него не ќе умре и не ќе живее.

14. Да, спасен е оној кој ќе се очисти,

15. кој го споменува името на Господарот свој и кој се клања.

16. Но вие повеќе го сакате животот на овој свет,

17. а Ахирет е подобар и е вечен.

18. Да, ова е внесено во страниците одамнешни,

19. во страниците на Ибрахим и на Муса!

СУРА

“ЕТ-ТАРИК” (“Деница”)

Мекка - 17 ајети

Во името на Аллах Милостивиот Сомилосен!


1. Се колнам во небото и во Деница!

2. А знаеш ли ти што е тоа Деница?

3. Ѕвезда што свети!

4. Над секоја душа има и бдеец.

5. Па, нека човекот погледа од што е создаден,

6. создаден е од вода што се исфрла,

7. која излегува меѓу ‘рбетот и градите.

8. Да, Он е Кадар да го повтори творењето Свое,

9. на Денот кога ќе се кажуваат тајните,

10. кога човекот не ќе има ни моќ ни поддржник.

11. Се колнам и во небото, со вода преполно,

12. и во земјата која се расцепува,

13. Кур’анот, навистина, е Говор што одделува!

14. Он не е празен Говор.

15. Оние, сплеткарејќи, сплетки прават,

16. а Јас сплетките ги расплеткувам.

17. Па, остави ги неверниците и дај им малку време!

СУРА

“ЕЛ-БУРУЏ” (Ѕвезди”)

Мекка - 22 ајети

Во името на Аллах , Милостивиот Сомилосен!


1. Се колнам во небото со ѕвезди преполно,

2. и во Денот ветен,

3. и во сведокот и во посведоченото,

4. проколнети нека бидат сопствениците на робови,

5. преполни со гориво на оган,

6. кои, крај него, седеа,

7. и кои, токму, беа сведоци на она што го правеа со верниците!

8. Им се одмаздуваа затоа што веруваа во Аллах, Силниот и за благодарност Достојниот!

9. И власта и на небесата и на Земјата е - Негова! Аллах, секако, е Сведок за се!

10. Оние кои, навистина, ги мачеа верниците и верничките, потоа не се покајаа... за нив има казна џехеннемска, за нив има казна Харик!

11. А оние, пак, кои веруваа и работеа добри дела, навистина!... за нив има бавчи џеннетски низ кои реки течат. Ете, тоа е победа голема!

12. Усвитено е, навистина, казнувањето на Господарот твој.

13. Он, секако, создава и повторно создава!

14. Он, секако, е Простувач и Срдечен!

15. Господарот на Аршот, Славниот!

16. Чинител на она што го посакува.

17. Ти дојде ли говорот за војската,

18. за фараонот и за Семуд?

19. Но, оние кои не веруваат, постојано во лага си паѓаат,

20. а Аллах ќе ги опфати од сите страни!

21. Но, тоа е Кур’ан Славен,

22. во Лехви Махфуз сочуван!

СУРА

“ЕЛ-ИНШИКАК”(Цепење)

Мекка - 25 ајети

Во името на Аллах Милостивиот Сомилосен!


1. Кога небото ќе се расцепи,

2. и кога Господарот негов ќе го послуша. - Он е Кому треба да се биде послушен,

3. и кога земјата ќе се порамни,

4. и кога ќе го исфрли она што е во неа и ќе стане празна,

5. и кога Господарот нејзин ќе Го послуша... Он е кому треба да се биде послушен!

6. О човеку, ти, навистина, се трудиш кон Господарот твој, со труд, и него ќе го најдеш!

7. Што се однесува до оној со доделената му Книга во раката, десна,

8. ќе полага сметка лесна,

9. и ќе се врати кај семејството свое, радосен!

10. А што се однесува, пак, до оној со дадената му Книга, зад плеќите негови,

11. па, ќе си посакува пропаст,

12. и во Саир ќе биде турнат.

13. Па тој меѓу семејството негово беше радосен,

14. тој, навистина, замислуваше дека никогаш не ќе се врати.

15. И уште како! Господарот негов, навистина, го гледа!

16. Но, не! Се колнам во црвенилото вечерно,

17. и во ноќта и во она што таа ќе го збере,

18. и во Месечината кога ќе се исполни,

19. ќе поминувате од една во друга состојба.

20. Што им е па не веруваат?

21. И зошто кога Кур’анот им се чита на сеџде не паѓаат?

22. Но, лажат оние кои не веруваат.

23. Аллах најдобро го знае она што го кријат!

24. И зарадувај ги, тогаш, со казната болна!

25. Освен оние кои веруваат и кои добри дела работат - нив ги чека награда неминлива.

СУРА

ЕЛ-МУТАФФИФУН(Скратувачи)

Мекка - 36 ајети

Во името на Аллах Милостивиот Сомилосен!


1. Е, тешко на скратувачите!

2. Оние кои, кога мерат нешто од луѓето, полна мера земаат,

3. и кога мерат на други или кога им вагаат им прикратуваат.

4. Не замислуваат ли дека ќе бидат проживеани, навистина!

5. на Денот голем,

6. на Денот во кој луѓето ќе стојат пред Господарот на световите?

7. Но, да! Книгата на грешниците е во огнот Сиџџин!

8. А знаеш ли ти што е тоа Сиџџин?

9. Книга испишана!

10. Тешко на лашковците на Денот тој!

11. Оние кои го сметаа за лажен Денот ветен,

12. а него го сметаше за лажен само претераниот грешник:

13. кога му се кажуваат ајетите Наши, вели: “Тоа се измислици на народите одамнешни!”

14. Но, не! А она што го спечалија веќе ги покри срцата нивни.

15. Но, не! Оние на Денот тој, навистина, ќе бидат со завеса одвоени од Господарот свој,

16. па, потоа, ќе бидат турнати во Џехеннемот,

17. а, потоа, ќе се рече: Ова е она за што, токму, лажевте.

18. Но, да! Книгата на доброчинителите е во Илијјуун, навистина!

19. А знаеш ли што е тоа Илијјуун?

20. Книга напишана,

21. за која сведочат блиските посматрачи.

22. Доброчинителите ќе бидат во благосостојба, навистина!

23. ќе гледаат од диваните;

24. на лицата нивни ќе ја препознаеш радоста на благодатот,

25. ќе се напојуваат со напиток чист, запечатен,

26. запечатен со мушус и заради тоа нека се натпреваруваат натпреварувачите,

27. а составот ќе му биде од Тасним,

28. извор од кој ќе пијат блиските на Аллах!

29. Грешниците ги исмеваа верниците, навистина!

30. и кога си поминуваа крај нив си намигнуваа еднисодруги,

31. и кога се враќаат кај семејствата свои, ги посетуваат, исмевајќи ги

32. и кога ќе ги здогледаат, велат: “Овие скршнаа во заблуда, навистина!

33. А не се испратени да бдеат врз нив.

34. Па, денес верниците ќе ги исмеваат неверниците,

35. потпрени ќе гледаат!

36. Ќе бидат ли наградени неверниците за она што го работеа?

ЕЛ-ИНФИТАР(Расцеп)

Мекка - 19 ајети

Во името на Аллах Милостивиот Сомилосен!


1. Кога небесата ќе се расцепат,

2. и кога ѕвездите ќе се растурат,

3. и кога морињата ќе избувнат,

4. и кога мезарите ќе се испревртат -

5. ќе го узнае душата она што го направила и за овој свет и за оној свет.

6. О човеку, што те заведе од Господарот твој Благороден!?

7. Кој те создаде?... па те направи целосен и складен,

8. и Кој со посак Свој ликот ти го среди.

9. Но, не! Лажете за Денот ветен, сепак!

10. А врз вас се Чуварите мелеки, навистина!

11. благородни пишувачи:

12. кои знаат што правите!

13. Добротворите ќе бидат во благосостојба, навистина!

14. А грешниците ќе бидат во огнот Џехеннемот, навистина!

15. Во кој ќе бидат турнати на Денот суден!

16. И не ќе можат да не бидат во него.

17. И знаеш ли ти што е Денот суден?

18. И пак, знаеш ли ти што е Денот ветен?

19. Ден во кој никој за никого не може ништо. Наредбата тогаш е - Аллахова!

СУРА

“ЕТ-ТЕКВИР”(Помрачување)

Мекка - 29 ајети

Во името на Аллах Милостивиот Сомилосен!


1. И кога Сонцето ќе се помрачи,

2. и кога ѕвездите ќе попаѓаат,

3. и кога брдата ќе се поместат,

4. и кога камилите без сопственици ќе останат,

5. и кога дивите животни ќе се испомешаат,

6. и кога морињата со пламен ќе се исполнат,

7. и кога душите ќе се обединат со телата свои,

8. и кога девојчето живо погребано во земја ќе биде прашано:

9. Заради кој грев е убиено?

10. И кога страниците ќе се отворат,

11. и кога небесата ќе се отстранат,

12. и кога Џехеннемот ќе се разгори,

13. и кога Џеннетот ќе се приближи...

14. ќе узнае душата што си подготвила!

15. Но, не! Се колнам во ѕвездите што се скриваат,

16. кои се движат и кои исчезнуваат,

17. се колнам и во ноќта кога таа затемнува,

18. и во утрото кога дише,

19. Кур’анот, навистина, е Говор на мелек пратеник благороден,

20. од сопственикот на моќта, кој поседува место почесно кај Аршот,

21. кого го слушаат и уште е доверлив...

22. па, другарот ваш не е луд!

23. Го здогледа во видиците јасни,

24. и тој не е шкржав за Невидливото,

25. па, тоа не е Говор на Шејтанот проколнат!

26. Па, каде сте кинисале?

27. па, тоа е само Опомена за световите;

28. за оној меѓу вас кој сака да биде по патот вистински!

29. А она што го сакате е само со посак Аллахов, Господарот на световите!

СУРА

АБЕСЕ(се намурти)

Мекка - 42 ајети

Во името на Аллах Милостивиот Сомилосен!


1. Се намурти и ги сврте плеќите

2. кога му дојде слепиот,

3. а што знаеш ти, можеби дојде да се очисти,

4. или, пак, опомена да прими и Опомената, тогаш, ќе му користи.

5. Што се однесува до оној кој ќе стане богат,

6. па ти со него си заземен,

7. и твое е само да се очисти.

8. А што се однесува до оној што ти дојде брзо,

9. и уште, ете, се плаши

10. а ти на него не внимаваш!

11. Но, не! Опомена е тоа, навистина!

12. Па кој сака Опомената ќе го опомене

13. во страниците почитувани,

14. возвишени и чисти

15. меѓу рацете на пишувачите,

16. чесни и добротворни!

17. Проклет да е човекот! Колкаво е само проклетството негово!

18. Од што Он го создаде?

19. Од капка семе Он го создаде и Он, потоа, го одреди

20. и патот, потоа, му го олесни,

21. а потоа, пак, Он ќе го усмрти и во кабур ќе го остави,

22. а потоа, кога и ќе си посака, ќе го оживи!

23. Но, не! Се уште не го исполни она што Он му го нареди.

24. Нека човекот погледа, тогаш, во храната своја!

25. Ние во изобилие дожд спуштаме, навистина!

26. Потоа земјата во пукнатини ја расцепуваме,

27. и тогаш даваме семе секакво од неа да никне,

28. и лозја и овошје,

29. и маслинки и урми,

30. и бавчи испреплетени,

31. и овошје и зеленчук

32. за да уживате вие и добитокот ваш!

33. Па, кога ќе дојде гласот што заглушува?

34. На Денот кога човекот ќе побегне од брата си,

35. и од мајка си, и од бабо си,

36. и од другарите свои и од синовите свои,

37. на Денот тој, секој човек ќе биде обземен со состојбата своја.

38. Лица некои на Денот тој ќе бидат блескотни,

39. насмеани и весели,

40. а лица некои, пак, со прашина покриени,

41. и со темнеж некаков обземени -

42. овие се, токму, меѓу неверниците расипници!

СУРА

ЕН-НАЗИАТ(оние кои кинат)

Мекка - 46 ајети

Во името на Аллах Милостивиот Сомилосен!


1. Се колнам во оние кои кинат, силно!

2. во оние кои, вадат благо,

3. и оние кои, пловејќи, пловат брзо,

4. и оние кои, предводувајќи, предводат,

5. и кои ги средуваат работите,

6. и во Денот во кој Потресот ќе се потресе,

7. по кој ќе следи следниот!

8. Срцата на Денот тој ќе се потресат,

9. а очите нивни, пак, ќе се преплашат!

10. Зборуваат: “Ќе бидеме ли пак вратени назад во гробовите, навистина,

11. кога ќе станеме коски трошни?

12. И уште зборуваат: “Тоа оживување е само пораз.

13. Тоа ќе биде само еден глас, навистина! -

14. и ете ги, веднаш на површина.

15. Ти дојде ли говорот за Муса,

16. кога го повика Господарот свој, во Тува, долината света:

17. Оди кај фараонот, зашто тој, навистина, силен стана,

18. па, кажи му:,Мислиш ли да се очистиш‘?

19 Ќе те упатам кон Гсоподарот твој и,тогаш, уплаши се!

20. И му го покажа тогаш знамението најголемо,

21. па, фараонот излажа и непослуша,

22. а потоа се сврте и си замина,

23. и пак, тогаш, повика и собра луѓе

24. па, рече: Јас сум господарот ваш најголем!

25. Па, Аллах го казни со казната прва а ќе го казни и со казната друга!

26. Ете, во тоа, навистина, има ибрет за оној кој се плаши!

27. Потешко ли е вие да се создадете или, пак, небесата? Он нив ги создаде,

28. па, го подигна сводот нивни и потоа го среди,

29. ноќите нивни реши темни да бидат, а деновите, пак, светли да бидат,

30. и Земјата потоа ја израмни,

31. и извади од неа и вода и пасишта,

32. и брдата ги зацврсти

33. за да уживате во нив, вие и добитокот ваш!

34. И кога ќе се случи поројот голем

35. на Денот тој ќе се присеќава за она што се трудел,

36. и кога Џехеннемот, за оној што гледа, ќе се здогледа,

37. тогаш оној што се силеше,

38. и што животот овоземен повеќе го сакаше...

39. па, за него, Џехеннемот престојувалиште ќе му биде!

40. А оној кој се плашеше од стоењето пред Господарот свој и кој на душата страстите и ги забрануваше...

41. па, за него, Џеннетот пребивалиште ќе му биде!

42. Те прашуваат за Часот кога тој ќе се случи.

43. Твое е ли тоа да го споменуваш?

44. За него конечно знае Господарот твој!

45. Ти си, навистина, опоменувач за оној што стравува од кијаметот,

46. Денот кога ќе го здогледаат ќе им се причини дека само една вечер или едно утро останаа.

СУРА

“ЕН-НЕБЕ’” (“Кажување”)

Мекка - 40 ајети

Во името на Аллах Милостивиот Сомилосен!


1. За што тие еднисодруги се прашуваат?

2. За кажувањето големо

3. за кое оние, токму, станаа деленици!

4. Но, не! Ќе узнаат,

5. и пак: Но, не! Ќе узнаат, сигурно!

6. Нели Ние одредивме земјата да биде постела,

7. а брдата столбови?

8. И Ние ве создадовме во парови,

9. и спиењето ваше Ние за почивка го одредивме,

10. а ноќта, пак, Ние како облека ја одредивме,

11. а денот, пак, Ние како храна го одредивме,

12. и над вас Ние седум силни изградивме,

13. и светилката што свети Ние ја поставивме,

14. и од облаците Ние вода ви спуштаме,

15. и со помош нејзина Ние дадовме да никнат и семе и растение,

16. и бавчи испреплетени!

17. Денот на Одлуката, навистина, е веќе одреден,

18. Денот во кој ќе се дувне во Сурлата, па ќе доаѓаат во дружини,

19. а небото ќе се отвори, и врати многу ќе има,

20. и брдата ќе се потресат и прашина ќе станат!

21. Џехеннемот, навистина, е во заседа,

22. за угнетувачите место на враќање,

23. и во Џехеннемот за навек ќе останат,

24. и не ќе вкусат ништо ладно, ни напивка некаква,

25. освен жешка вода, смрдлива,

26. како награда соодветна!

27. Оние, навистина, не се надеваа на Сметката,

28. и ги сметаа за лажни, лажејќи, ајетите Наши,

29. и секоја работа Ние ја пребројавме и во Книгата ја внесовме!

30. Па, вкусете! Казната само со казна ќе ја зголемуваме!

31. За богобојазливите, навистина, има победа:

32. градини и лозја,

33. и девојки, со години исти

34. и пехари полни!

35. Во Џеннетот не ќе слушаат ни зборови празни ни лага.

36. Награда ќе биде тоа од Господарот твој, подарок неизмерен,

37. од Господарот на небесата и на Земјата и она што е меѓу нив, од Милостивиот, и оние не ќе можат ни да Му се обратат,

38. на Денот во кој Џибрил и мелеките ќе стојат во редови, и не ќе зборуваат освен оној кому ќе му дозволи Милостивиот, и вистина ќе зборува.

39. Ете, тоа е Денот вистински. Па, кој сака може да најде засолниште кај Аллах.

40. Ние, навистина, ве опоменавме за казната блиска, за Денот во кој човекот ќе го гледа она што го направија рацете негови, и кога неверникот ќе рече: О тешко мене! Само земја да станев!

СУРА

“ЕЛ-МУРСЕЛАТ” (“Испратени”)

Мекка - 50 ајети

Во името на Аллах Милостивиот Сомилосен!


1. Се колнам во оние кои се испратени еднизадруги,

2. па, како виор виорат,

3. се колнам и во оние кои се разгрануваат,

4. и кои одовојувајќи, одвојувања предизвикуваат,

5. и кои, опомена доставуваат,

6. како оправдување или како опоменување!

7. Ветеното ќе ви се случи, сигурно!

8. Тогаш кога ѕвездите не ќе блескаат,

9. и кога небесата ќе испукаат,

10. и кога брдата ќе се здробат,

11. и кога пејгамберите во време определено ќе се зберат!

12. Да, кој ден е тоа одредено?

13. До Денот на Разделбата!

14. А од кај знаеш ти што е тоа Денот на Разделбата?

15. Тешко на лашковците... на Денот тој!

16. Нели Ние ги уништивме поколенијата одамнешни?

17. По нив и другите што Ние дадовме да ги следат.

18. Ете, така Ние работиме со силниците!

19. Тешко на лашковците... на Денот тој!

20. Нели ве создадовме од вода безвредна

21. што ја ставивме на место сигурно,

22. до едно време познато?

23. Па тоа сме Ние кои одредуваме. Е, само колку сме убави во она што Ние го одредуваме!

24. Тешко на лашковците... на Денот тој!

25. Нели Ние одредивме земјата да биде место на збирање,

26. на живите и мртвите,

27. и на неа Ние високи брда поставивме, и со вода бистра ве напојувавме.

28. Тешко на лашковците... на Денот тој!

29. Управете се кон она што за лажно го сметавте,

30. управете се кон она со три краци сенка,

31. која ладовина нема и која од пламен не чува.

32. Како кули ќе фрла искри,

33. како да се камили жолти.

34. Тешко на лашковците... на Денот тој!

35. Ова е Ден во кој не ќе прозборат,

36. и во кој оправдување не ќе им се одобри!

37. Тешко на лашковците... на Денот тој.

38. Ова е Денот на Разделбата. Ние ќе ве собереме вас и народите одамнешни!

39. Па, ако имате сплетка, сплеткарете!

40. Тешко на лашковците... на Денот тој!

41. Богобојазливите ќе бидат, навистина, во сенките и меѓу изворите!

42. и крај овошјето што ќе го посакуваат.

43. “Јадете и пијте ; пријатно нека ви биде... заради она што го работевте!

44. Ете, така Ние ги наградуваме доброчинителите.

45. Тешко на лашковците... на Денот тој!

46. “Јадете и уживајте за кратко: силници сте, навистина!

47. Тешко на лашковците... на Денот тој!

48. И кога ќе им се речеше: “Поклонете се!” Не се поклонуваа.

49. Тешко на лашковците... на Денот тој!

50. Па, во кој говор по него оние веруваат?